العنب ... العنب ...العنب

مش قصدى العنب بتاع بعرور ولا سعد الصغير

انا قصدى على العنب اللى مليان مواد كيماوية ...
واول ما تاكله بطنك توجعك

اعتقد انا احنا المفروض نقول على أف أم ...

احمد ابرهيم احذر العنب فى سم قاتل

نتكلم بجد ... بعيدا عن الهزار فعلا العنب بيوجع المعده المواد الكيماوية اللى

مرشوشه عليه دخلت جواه يعنى لاغسيل ولا حتى كلوركس يعمل حاجة معاه

الموضوع بدا انى أكلت عنب عادى نفسى راحت له ... وبعدها بشويه معدتى وجعتنى وتعبت جدا وكنت حاسه ان فى انفجارات حصلت فى معدتى ... وبقول لصحبتى ان معدتى تعبانة اوى وانه تقريبا ومن العنب قالتلى ان هى كمان اكلت عنب وحصل لها نفس اللى حصلى .... قولت ان الموضوع: مش معدتى هى اللى حساسة ده العنب هو اللى فى حاجة

واعتقد ان انا جاتلى عقدة من العنب واعتقد انى علمت عليه ... لسه العنب عندى فى الثلاجة بس بصراحة كل لما اجى اقرب له افتكر المعانأه اللى حصلتلى منه

وبحذر: كل اللى قاله بعرور ان العنب احلى ما فى الفاكهة الكلام ده مش صحيحة ،واكيد اللى وراه الاغنية دى تاجر فاكهة علشان يخلص من العنب اللى عنده ... المسمم

لو حد اكل عنب ووجع له معدته يقولى ... علشان نتضامن ونعمل حملة ضد

العنب ... العنب .... العنب

وتحيا المانجو

بنك الطعام

كنت فى بى تك بشترى غسالة ولقيت صندوق مكتوب عليه بنك الطعام وفى ناس كتير متبرعين ... بصراحة انا كنت فرحانة اوى لما لقيت الصندوق بتاع بنك الطعام وجالى احساس ان الدنيا لسه بخير ان لسه فى ناس بتفكر فى الناس اللى مش لقين يأكلوا

وكنت معتقده ان الصندوق ده موجود فى بى تك بس الحمد لله لقيته فى اماكن كتير ولما سفرت الساحل لقيته هناك

حاجة كويسة ان الصناديق دى تكون موجوده فى الاماكن اللى الناس نتشترى منها حاجتها الاساسية او غير الاساسية ... علشان زى ما تشترى لنفسك حاجة لازم تفتكر الناس اللى مش لقين ياكلوا وتحاول تساعدهم

بصراحة اختيار صح انهم يحطوا الصناديق فى الاماكن اللى فيها تجمعات للناس اللى اساسا داخله المحل علشان تشترى يعنى على الاقل معاه فلوس تشترى حاجة جديدة ويارب القى الصندوق بنك الطعام فى كل المحلات وخصوصا المطاعم علشان تشجع الناس انها تدفع اى فلوس تساعد الناس دى

وياريت لو حد شاف اى صندوق من الصناديق دى تحاول تدفع اى فلوس حتى لو جنية ممكن يعمل حاجة ... وكمان يشجع اصحابه وكل الناس علشان تشارك

ويارب يكون عندنا 1000 مشروع زى بنك الطعام