فى موقف حصلى امبارح خالنى نفسى اصرخ بصوت عالى وش كل حد له علاقة بالشرطة او امن الدولة او له علاقة بالامن
امبارح كنت انا وزوجى عند حماتى واخته كانت هناك واحنا بنتكلم قالت لنا خبر نزل عليه كالصاعقة قالت ان ارهاب المواطنيين (أمن الدولة سابقا) بعت لجوزها ... ليه بقى علشان هو ملتحى وبيصلى فى المسجد والله العظيم هى دى التهمة
انا مضايقة جدا علشان هو شخص فى حاله ومالوش علاقة بالسياسة والتنظيمات يعنى مش خطر على أمن الدولة فى اى حاجة
اعتقد ان أمن الدولة دلوقتى هما اللى بيصنعوا الارهابيين لما يظلموا حد برئ ويعذبوه اكيد هيفكر ينتقم منهم زى اللى حصل مع طه الشاذلى فى (عمارة يعقوبيان)
انا نفسى يقضى رمضان مع زوجته واولاده اللى زى القمر ... " على فكرة اليوم اللى عمله له استدعاء فيه كان يوم عيد ميلاد بنته الصغيرة "ساره" وطبعا بعد النكد ده معملوش حاجه
وربنا ينتقم من الظالم
اسالكم الدعاء له
هناك ٧ تعليقات:
ربنا يخرب بيت الظالميين
على فكرة الموضوع دة زاد اوى اوى
وربنا يستر علينا و على اهلينا و على ولدنا واللة يكون فى عون زوجتة واهلة
كل سنة وانتى طيبة
وانتى طيبة ويارب تكونى من اللى ربنا ها يعتقهم فى رمضان
فعلا الظلم زاد اوى وربنا يبعد عننا الظالميين
وربنا يبلغنا رمضان ونعتق من النار
حسبى الله ونعم الوكيل
الظلم ظلمات بوم القيامه
ربنا يرجعه ليكم ولولاده بالسلامه
إرسال تعليق