انا فى منتهى الاحباط ونفسي اخرج من الحالة اللي انا فيها ده بس مش عارفة ازاى مش مستوعبه الناس بقيت بتتعامل مع بعض كده وبالذات لما يكونوا اصحاب عمرك مش حد لسه عارفة مبارح ... هي الحياة بقت كده كل واحد يفكر فى مصلحته وبس وما يعملش اعتبار لحاجة خالص انا بكتب الكلام ده علشان عارفة ان هي ها تقرأ ... عايزة اقولها انا اتصد مت لما فتحت الفيس بوك و لقيت الصورة اللى اتصورتها مع بعض قصتني منها وفى الوقت نفسه صورها مع اصحابها التانين كلها موجودة ... هي متغيرة من فترة وكل ما اكلمها تقولي انها مكتئبة وعندها مشاكل ومش فارق بالنسبة لها ان احنا نقعد بالشهرين منشوفش بعض وممكن بالاسبوعين ما فيش بينا تليفونات عادى انا مش عارفة ايه اللي حصل هي مش وحشة كده ومش ندلة كده ... مشكلتي ان انا مش هبقى على حد هو مش باقي عليه انا مش هشحت صداقة من حد حتى لو كان اعز اصحاب ... انا عندي اصحاب تاني كتير بس عمري ما بفضل حد على حد لمجرد انى بعرف اخرج معاهم كتير ... انا عايزها بس تفتكر انى عمري ماذتها فى اي حاجة ... ولو هتفضل على طريقتها معايا يبقى هي كده عايزة تقضى على الصداقة اللي بينا الجمعة، ٢٧ فبراير ٢٠٠٩
منتهى الاحباط
انا فى منتهى الاحباط ونفسي اخرج من الحالة اللي انا فيها ده بس مش عارفة ازاى مش مستوعبه الناس بقيت بتتعامل مع بعض كده وبالذات لما يكونوا اصحاب عمرك مش حد لسه عارفة مبارح ... هي الحياة بقت كده كل واحد يفكر فى مصلحته وبس وما يعملش اعتبار لحاجة خالص انا بكتب الكلام ده علشان عارفة ان هي ها تقرأ ... عايزة اقولها انا اتصد مت لما فتحت الفيس بوك و لقيت الصورة اللى اتصورتها مع بعض قصتني منها وفى الوقت نفسه صورها مع اصحابها التانين كلها موجودة ... هي متغيرة من فترة وكل ما اكلمها تقولي انها مكتئبة وعندها مشاكل ومش فارق بالنسبة لها ان احنا نقعد بالشهرين منشوفش بعض وممكن بالاسبوعين ما فيش بينا تليفونات عادى انا مش عارفة ايه اللي حصل هي مش وحشة كده ومش ندلة كده ... مشكلتي ان انا مش هبقى على حد هو مش باقي عليه انا مش هشحت صداقة من حد حتى لو كان اعز اصحاب ... انا عندي اصحاب تاني كتير بس عمري ما بفضل حد على حد لمجرد انى بعرف اخرج معاهم كتير ... انا عايزها بس تفتكر انى عمري ماذتها فى اي حاجة ... ولو هتفضل على طريقتها معايا يبقى هي كده عايزة تقضى على الصداقة اللي بينا 
الاشتراك في:
تعليقات الرسالة (Atom)
هناك ٤ تعليقات:
المأساة أن الصدمات تقريبا لا تأتي الا من اقرب الاقربين .. صديق .. أخ .. والأثر الذي قد يدوم بعد ذلك هو الشك في أصابع اليد والذي سيؤدي بدوره الى ظلم مبدئي لأشخاص طيبين..على افتراض وجودهم !!
مشاعر حقيقية .. أحسستها
لا أعرف هل اشكرك على كتابتها
أم أكتفي بمواساتك ..؟؟
مشكلتك ان العشم قاتلك
الكلمه دى ياما اتقالت لى
عارفه والله العظيم انا باعانى جدا من المشكله دى ومش عارف ايه حلها
بس لما باتناقش مع نفسى باحس ان الحل فى حاجتيين
الاولى ان انا لازم احب نفسى على الاقل بنفس المقدار اللى انا باحب بيه اصحابى وان الواحد مش لازم يسيب نفسه كده حتى ولو مع الناس اللى هو بيحبهم جدا لازم يكون فى سنّه حذر
ثانى حاجه لا تضع كل البيض فى سله واحده ولازم نعرف اننا هنزود مقدار السعاده من خلال تكوين اصدقاء لكن مش هى كل او مصدر السعاده لان لو حصل زي ما بيحصل معاكى هتدهدي وانا عارف معنى الكلمه دي كويس فلازم يكون عندنا خلفيه بشئ زي ده
عارفه المقوله اللى بتقول اذا انتظرت احدا ما كي ينتشلك من الحزن والكدر الذى انت فيه .... فإنك سوف تنتظر طويلا
لازم احنا اللى نحرك نفسنا مش العكس مع كل حاجه
اخر حاجه عايز اقولها ان الحذر لا يمنع القدر ورغم الكلام اللى انا كتبته ده الا ان انا لسه بحب اصحابى اكتر من نفسى وياما اخدت على دماغى منهم بس خلاااااااااااااااص طفح الكيل انا هاحب نفسى ولازم اعمل حاجات فى الدنيا تساعدنى على انى اكون سعيد من غير ما احتاج لحد ويوم ما هاعمل حاجه لحد مش هانتظر العائد مش هاعملها بحميميه يعنى هاعملها كده بس ربنا يقدّرنى واعمل الكلام ده
خلى بالك بقى بعد كده وعموما علقه تفوت ولاحد يموت والضربه اللى ماتموتش تقوى
وعموما باردوا فى حاجات فى الدنيا تانيه حلوه غير الصداقه الواحد ممكن يعملها
توقيع العائد الى التدوين
محمد صقر
بص يا محمد ها وضحلك الموضوع
الموضوع مش موضوع عشم لان احنا بنتعامل ان احنا اخوات ... يعنى نزعل نتخانق وبعدين نرجع نكلم بعض عارف الاحساس ده لما تكون متخانق مع اخوك او اختك وتلاقى نفسك بالليل بتتكلم معاه عادى لان مش هينفع تفضلوا طول عمركم متخانقين مع بعض ... هو ده التعامل بينا
انا كتبت البوست ده وانا فى منتهى الاحباط فعلا ... بعدها بشوية كلمتها قولتلها انى زعلانه منها جدا وقولتلها كل اللى فى نفسى وقولتلها براحتك انا بعد كده مش هيفرق بالنسبة لى حد ... طبعا انا بقول الكلام وانا عارفة انى مش هعرف انفذه
بس هى بصراحة بعتلى رسالة وقالتلى انتى فهمتى الموضوع غلط وانا مهما عرفت اصحاب كتير انتى حاجة وهما حاجة وما فيش مقارنة اصلا انتى صاحبتى الوحيدة ... وخلت واحدة صحبتها تكلمنى وتقولى انها زعلانة جدا ما تزعليش منها وان انتى فارقة معاها اوى ... وخلاص الحمد لله احنا بقينا كويسين
على فكرة صحبتى كويسة جدا علشان كده انا كنت زعلانة اوى و مش عارفة هو فيه... لما هى تتغير كده معايا واحنا مع بعض من زمان وهى اصلا كويسة طيب الاشخاص الوحشين هيعملوا اية
فيه حديث رائع لو كل الناس تطبقة ممكن نبقى فى الجنة (حب لاخيك ما تحبه لنفسك) وتخيل احنا بنحب لنفسنا ايه كل حاجة حلو ... عارفة ان اللى هيحاول يطبق حاجة زى كده هيتعب بس على الاقل نحاول نعمل حاجة فى وسط الغابة اللى بقى اسهل حاجة فيها القتل... والدبح بقى مافيش اسهل منه... انا مش بقول ان انا ملاك بس مش عايزة ابقى شيطان
واسفة انى طولت عليك
ومبروك على عودتك للتدوين
فينك يا ياسمييييين ، انا كنت تقريبا زيك ، بعدت عن التدوين كتييير
بس رجعت ، وابتديت ادور على الناس
فين اراضيكي ، يارب تكوني بخير
ابقي طمنينا عليكي .
إرسال تعليق