المكفوفين
كنت بتفرج على (منى الشاذلى) وكانت جايبه أوائل الثانوية العامة
وكان من ضمنهم الأول فى الثانوية العامة على المكفوفين
وسالتهم سؤال... ايه الامنيات المستقبلية ليكم
الرد اللى لفت انتبهى رد الشاب اللى زى الفل ، الأول على المكفوفين
قال نفسى تتغير نظرة الناس للمكفوفين وما يتعملوش معانا على اننا أقل منهم … وقال بالحرف إن ده حلم صعب اوى يتحقق
هزتنى الكلمة اوى… وقولت سبحان الله عرف يتعايش مع اللى مالوش يد فيها وينجح ويتفوق… وانه كفيف ده مش آلمه … لكن نظرة المجتمع ليه هى اللى مضيقاة
احنا ليه بنتعامل معاهم على انهم مش زينا … وإن احنا احسن منهم … وانهم عندهم حاجة ناقصة وبيصعبوا علينا، وياعينى- وياحرام
انا اتعملت مع مكفوفين بصراحة لقتهم فى منتهى الذكاء وقوة البصيرة وبيعرفوا يميزوا الاصوات جدا… وبيحبوا الناس اوى
وبصراحة لما اتعملت معاهم حسيت انى اقل منهم فى حاجات كتير
هما عندهم قوة إرادة اعلى منى بكتير
وفى منهم بيركبوا مواصلات لوحدهم ولو قولت لحد فيهم اوصلك …يقولك انا متعود اركب المواصلات وامشى لوحدى
أنا شايفة إن احنا لو عملنا مقارنة بينا وبينهم … هنلقى إن احنا عندنا حاجات كتير هما محرومين منها … ومع ذلك هما فى ناس كتير منهم متفوقين اكتر من ناس مبصرين … اعتقد ان احنا اللى مفروض نصعب عليهم علشان عندنا حاجات كتير وما بنعملش حاجة
نفسى نغير نظرتنا ليهم ولناس كتير عندهم مشاكل زى الصم والبكم والمكفوفين
بصراحة انا حصلى موقف مع دكتور كفيف بيدرس فى الجامعة
كنت قاعدة معاه انا وصحبتى وكنا بنتكلم فى موضوع رسالة الدكتوراة بتاعته
وصحبتى لفت انتبهاها وردة كانت جانبها وقعدت تبص عليها واحنا بنتكلم معاه… وبعدين لقيته بيقول لصحبتى انتى بتبصى على ايه قالتله الوردة ده لفتت انتبهى فا ببص عليها … وقالبت الموضوع بهزاروقالتله انت مراقبنا يا دكتور
انا حسيت انى عايز يقول (: ها تستعمانى ياهرم
بصراحة بعد الموقف ده اتغيرت فكرتى كتير عن المكفوفين … وقولت لصحبتى هو بيشتغلنا ولا ايه … هو بيشوف… ازاى حس ان فى حد مش بيتكلم معاه وهو مش باصص له… ازاى حاسس بانفعالات اللى قدامه وهو بيكلمه
نفسى نتعامل معاهم انهم زينا زيهم وانا فعلا مافيش أختلاف
بجد لازم نظرتنا تتغير علشان هى نظرة ظلمة.
كنت بتفرج على (منى الشاذلى) وكانت جايبه أوائل الثانوية العامة
وكان من ضمنهم الأول فى الثانوية العامة على المكفوفين
وسالتهم سؤال... ايه الامنيات المستقبلية ليكم
الرد اللى لفت انتبهى رد الشاب اللى زى الفل ، الأول على المكفوفين
قال نفسى تتغير نظرة الناس للمكفوفين وما يتعملوش معانا على اننا أقل منهم … وقال بالحرف إن ده حلم صعب اوى يتحقق
هزتنى الكلمة اوى… وقولت سبحان الله عرف يتعايش مع اللى مالوش يد فيها وينجح ويتفوق… وانه كفيف ده مش آلمه … لكن نظرة المجتمع ليه هى اللى مضيقاة
احنا ليه بنتعامل معاهم على انهم مش زينا … وإن احنا احسن منهم … وانهم عندهم حاجة ناقصة وبيصعبوا علينا، وياعينى- وياحرام
انا اتعملت مع مكفوفين بصراحة لقتهم فى منتهى الذكاء وقوة البصيرة وبيعرفوا يميزوا الاصوات جدا… وبيحبوا الناس اوى
وبصراحة لما اتعملت معاهم حسيت انى اقل منهم فى حاجات كتير
هما عندهم قوة إرادة اعلى منى بكتير
وفى منهم بيركبوا مواصلات لوحدهم ولو قولت لحد فيهم اوصلك …يقولك انا متعود اركب المواصلات وامشى لوحدى
أنا شايفة إن احنا لو عملنا مقارنة بينا وبينهم … هنلقى إن احنا عندنا حاجات كتير هما محرومين منها … ومع ذلك هما فى ناس كتير منهم متفوقين اكتر من ناس مبصرين … اعتقد ان احنا اللى مفروض نصعب عليهم علشان عندنا حاجات كتير وما بنعملش حاجة
نفسى نغير نظرتنا ليهم ولناس كتير عندهم مشاكل زى الصم والبكم والمكفوفين
بصراحة انا حصلى موقف مع دكتور كفيف بيدرس فى الجامعة
كنت قاعدة معاه انا وصحبتى وكنا بنتكلم فى موضوع رسالة الدكتوراة بتاعته
وصحبتى لفت انتبهاها وردة كانت جانبها وقعدت تبص عليها واحنا بنتكلم معاه… وبعدين لقيته بيقول لصحبتى انتى بتبصى على ايه قالتله الوردة ده لفتت انتبهى فا ببص عليها … وقالبت الموضوع بهزاروقالتله انت مراقبنا يا دكتور
انا حسيت انى عايز يقول (: ها تستعمانى ياهرم
بصراحة بعد الموقف ده اتغيرت فكرتى كتير عن المكفوفين … وقولت لصحبتى هو بيشتغلنا ولا ايه … هو بيشوف… ازاى حس ان فى حد مش بيتكلم معاه وهو مش باصص له… ازاى حاسس بانفعالات اللى قدامه وهو بيكلمه
نفسى نتعامل معاهم انهم زينا زيهم وانا فعلا مافيش أختلاف
بجد لازم نظرتنا تتغير علشان هى نظرة ظلمة.
هناك ٥ تعليقات:
موضوع جمييل وبلوج رائع واحنا فعلا لازم نغير نظرتنا للمكفوفين انا مسبقش انى اتعاملت مع مكفوفين بس اكيد هعاملهم باحترام انا بحب اوى الناس اللى بيتغلبوا على ظروفهم الصعبه ويحققوا هدفهم يعنى انا مثلا ليه اتنين اعر فهم بنت ابوها اتوفى ف اخر شهر 5 قبل الامتحانات على طول وولد برضه نس الشىء كانت صدمه كبيره قوى عليهم بس الحمد لله البنت ذاكرت كويس وجابت ماشاء الله 98ونص والولد جاب 100ونص ف الميه بجد بحترمهم جدا وياريت كلنا يكون عندنا عزيمه ونحقق هدفنا ان شاء الله انااسفه انى طولت عليكى سلام:)
بجد احساس وحش اوى انك تحس ان الناس مش عايزة تتعامل معاك او بتعاملك بشكل مختلف علشان شىء انت ملكش اى يد فيه
لازم يا جماعة نغير نظرتنا ليهم
لان فيه مكفوفين كتير عظماء ..
مرسى يا نفرتيتى انتى وعمر ... بحاول اعمل حاجة للناس ده علشلن هما فعلا يستهله كل خير
واللهي يا جماعة أنا بشكركم كتير، على فكرة أنا من المكفوفين المتصفحين للإنترنت بشكل كبير لإنني مطور لمواقعها، والبلوج رائع جدا، ومعبر، بس خلي بالكم الحكاية مش حكاية عظماء وفلاسفة، الحكاية حكاية ناس عاديين بياكلوا ويشربوا ويتجوزوا ويعيشوا ويعملوا حجات وحشة أو كويسة، المهم إن مفيش حاجة ناقصاهم إلا حكاية النظر دي، جميل إني ألاقي ناس بتتكلم عن المكفوفين في مدونات ليس لها صلة بالمكفوفين، واللهي شيء محترم، :)
مرسيه اوى يا وائل على المجاملة دى
انا مبسوطة ان الموضوع عاجبك ربنا يوافقك وتحقق كل اللى بتتمناه
بصراحة ده اجمل تعليق على الموضوع
إرسال تعليق